اس نشست میں کثیر تعداد میں کیمور ضلعے کے اردو اساتذہ کے ساتھ ساتھ اردو داں محمد مشتاق انصاری، سلمہ خاتون، اختر عالم، الطاف انصاری و کرشن بہاری پانڈے کے علاوہ گنگولیہ گاؤں کے لوگون نے شرکت کی۔
نشست کی صدارت فروغ اردو کے سربراہ سید بدرالزماں اور نظامت ڈاکٹر سید انیس الرحمان نے کی۔
فروغ اردو تنظیم کے اغراض و مقاصد بیان کرتے ہوئے تنظیم کے اہم رکن سرور عالم نے اردو کے تابناک مستقبل پر روشنی ڈالی۔
کیمور میں اردو زبان کی موجودہ صورت حال پر افسوس کا اظہار کرتے ہوئے ڈاکٹر سید انیس الرحمان نے بتایا کہ 'کیمور کی سر زمین نے کسی زمانے میں وسیم چین پوری جیسے شاعر پیدا کیے اور آج کے زمانے میں حال یہ ہے کہ یہاں کے لوگ اردو سے منہ موڑتے ہوئے نظر آرہے ہیں۔'
اس کے علاوہ متعدد شخصیات نے بھی اردو زبان کے حوالے سے اپنے خیالات پیش کیے جن میں سید جابر حسین، صدام حسین، اقبال انصاری وغیرہ شامل ہیں۔
آخر میں فروغ اردو تنظیم کیمور کی مرکزی کمیٹی کی رہنمائی میں فروغ اردو تنظیم کدرا بلاک یونٹ تشکیل دی گئی۔
نصیرالدین کو فروغ اردو تنظیم کدرا بلاک کا صدر، یونس انصاری کو سکریٹری اور سرفراز خلیفہ کو خازن منتخب کیا گیا۔
