سماج سیوا مورچہ کمیٹی ایک غیر سرکاری تنظیم ہے جس کی بنیاد مودھو پنچایت کے رانی گاوں کے نوجوانوں کے ذریعہ رکھی گئی ہے۔
اس تنظیم کا مقصد سماج کے کمزور طبقہ کے لیے فلاحی و رفاعی کام انجام دینا ہے، تنظیم کے صدر و سابق مکھیا قاری مشکور نے کہا کہ لاک ڈاؤن کی وجہ سے غریب طبقہ کے لوگوں کو کافی دقتوں کا سامنا کرنا پڑرہا ہے۔
تنظیم کی کوشش ہے کہ کوئی ایک بھی شخص بھوکا نہ سوئے اس لیے جہاں تک ممکن ہو پاتا ہے غریب اور بے سہارا لوگوں کی مدد کی جارہی ہے اور یہ اپیل بھی کی جاتی ہے کہ صاحب حیثیت لوگ اس کام میں بڑھ چڑھ کر حصہ لیں۔
لاک ڈاؤن پر اپنی رائے دیتے ہوئے قاری مشکور نے کہا کہ کورونا جیسی جان لیوا بیماری کی ابھی تک دوائی دریافت نہیں جا سکی ہے اس سے بچنے کا واحد طریقہ علیحدگی اختیار کرنا ہے لیکن بڑے افسوس کے ساتھ کہنا پڑ رہا ہے کہ آج بھی لوگ بلا وجہ یہاں وہاں گھومتے نظر آجاتے ہیں جو غلط ہے۔
غور طلب ہیکہ بہار میں کورونا مریضوں کی تعداد بڑی تیزی کے ساتھ بڑھ رہی ہے. بہار میں کورونا مریضوں کی تعداد بڑھ کر اب 60 تک پہنچ گئی ہے۔
