دوسری جانب اسپیشل ٹرین کے ذریعہ مزدور اپنی ریاست میں پہنچے لگے ہیں تاہم اسی درمیان گزشتہ روز تقریباً 222 مزدوروں کو بہار کے کھگڑیا شہر سے ٹرین کے ذریعہ تلنگانہ بھیجا گیا ہے۔
یہ معاملہ حزبِ مخالف کے رہنما تیجسوی یادو نے ٹویٹر کے ذریعہ اٹھایا۔ اس کے بعد حکومت نے جواب دیا تیجسوی نے اپنے ٹویٹ کے ذریعہ وزیر اعلیٰ نتیش کمار سے پوچھا کہ کیا انکو اس بات کا علم ہے کہ کھگڑیا سے 250 سے زیادہ مزدوروں کو تلنگانہ بھیجا گیا ہے.
اسی دوران ریاست کے نائب وزیر اعلیٰ سشیل کمار مودی نے بیان جاری کرتے ہوئے کہا کہ 222 مزدور تلنگانہ کے لئے خصوصی ٹرین سے روانہ کیا گیا ہے. تلنگانہ حکومت کی گزارش پر ان مزدوروں کو چاول میلوں میں بہتر معاوضہ پر بھیجا گیا ہے۔
بتایا جاتا ہے کہ یہ مزدوروں تلنگانہ کے لنگمپلی کے چاول مل میں کام کرتے تھے. ہولی کی چھٹی میں یہ مزدور گھر آئے تھے۔ ان تمام مزدوروں کو وہاں سے بلایا گیا ہے۔ مودی نے بتایا کہ تلنگانہ حکومت نے ان سب کا کرایہ دیا ہے۔
کھگڑیا کے ڈی ایم آلوک رنجن گھوس نے کہا کہ جو مزدور جانا چاہتے تھے انہیں ہی بھیجا گیا ہے۔
