ضلع گیا میں اہم تقریب گاندھی میدان میں واقع ہری ہر سپرامنیم اسٹیڈیم میں ہوئی، جہاں محکمہ تعلیم کے ریاستی وزیرکرشنندن پرسادورمانے پرچم کشائی کی۔
وہیں ضلع کے مختلف علاقوں میں بھی اس موقع پر تقریبات کا اہتمام کیا جارہا ہے۔ گاندھی میدان میں ہوئی اہم تقریب میں ریاستی وزیرتعلیم وگیا انچارج کرشنندن پرساد ورمانے صبح 09.05 بجے پرچم کشائی کی۔
اس سے قبل وزیرموصوف نے پریڈ کا جائزہ لیا اور سلامی لی ۔
پرچم کشائی کے بعد وزیرتعلیم نے اپنے خطاب میں عظیم مجاہدآزادیوں کی قربانیوں کویادکیا اور باشندوں کو یوم جمہوریہ کی مبارک بادپیش کی۔
اس موقع پر مگدھ کمشنر اسنگبا چوبے آو ،آئی جی ترپاٹھی ، ڈی ایم ابھشیک سنگھ ، ایس ایس پی راجیومشرا کے علاوہ ضلع کے سبھی اعلی افسران اور سیاسی وسماجی رہنماوں سمیت شہر کے معززین اورعام لوگ موجودتھے۔
یوم جمہوریہ کی پرچم کشائی کے موقع پر گاندھی میدان اور اطراف میں سخت حفاظتی انتظامات تھے۔ سی آرپی ایف اور ضلع پولیس کی تعیناتی تھی۔ اسٹیڈیم میں داخل ہونے والے افراد کوسخت جانچ کے دائرے سے ہوکر گزرناپڑرہاتھا۔
