ریاستی بہار کے ضلع گیا کے علاقے شیرگھاٹی سے تعلق رکھنے والے ایم اے پولٹیکل سائنس کے طالب علم عابد امام شیرگھاٹی ایکتا منچ کے بینر تلے متعدد فلاحی کام انجام دیتے ہیں اس سلسلے میں ان کا سب سے اہم کام خون کا عطیہ ہے۔
ای ٹی وی بھارت کی خصوصی بات چیت
عابد امام نے اس کام کی ابتدا تب کی تھی جب چند برس قبل گیا سے شیرگھاٹی واپسی کے وقت ایک سڑک حادثے نے ان کی زندگی تبدیل کردی اور انہوں نے نہ صرف خود بلکہ دوسرے نوجوانوں کو بھی خون کا عطیہ کرنے کی ترغیب دی۔
لگاتار خون کے عطیہ کی وجہ سے عابد کو 'رکت ویر' کے نام سے جانا جاتا ہے۔
اس کے علاوہ شیرگھاٹی کے عابد نے ڈوبھی علاقے میں ایک نابینا خاندان کو بھی گود لے رکھا ہے۔
ای ٹی وی بھارت سے بات کرتے ہوئے عابد نے کہا کہ فلاحی کام کرتے وقت انسان کو مذہب و ملت سے اوپر اٹھ کر سوچنا چاہیے۔
