گاندھی نے پاٹلی پتر پارلیمانی حلقہ سے آرجے ڈی کی امیدوار میسا بھارتی کے حق میں وکرم میں انتخابی اجلاس سے خطاب کرتے ہوئے کہاکہ کانگریس وزیراعظم نریندر مودی کی طرح جھوٹے وعدے نہیں کرتی ہے۔کانگریس نے جو بھی وعدہ کیا ہے اسے پورا کیا ہے۔
انہوں نے کہا کہ کانگریس اقتدار میں آئے گی تب ملک کے غریب لوگوں کو سالانہ72 روپے دیئے جائیںگے ۔ انہوں نے کہاکہ یہ نیائے منصوبہ ملک کی میعشت کیلئے ڈیژل کی طرح کام کرے گا۔ اور اس سے لوگوں کو روزگار ملیں گے۔
کانگریس صدر نے کہاکہ مودی نے ملک کے ہر شہری کو پندرہ لاکھ روپے دینے کا وعدہ کیا تھا ۔ انہیں بتانا چاہئے کہ یہ پیسہ کیوں نہیں دیا۔ انہوں نے کہاکہ مسٹر مودی نے پندرہ لاکھ روپے دینا تو دور نوٹ بندی اور جی ایس ٹی (اشیاءاور سروس ٹیکس ) لگا کر غریبوں کے جیب سے پیسے نکال لئے اور انیل امبانی اور نیرو مودی جیسے 15 لوگوں کے کھاتے میں 5 لاکھ 55 ہزار کروڑ روپے ڈال دیئے ۔ اب یہ پیسہ کانگریس غریبوں کو دینا چاہتی ہے۔
