بہار میں ہونے والے اسمبلی انتخابات میں پلورل پارٹی کی سربراہ پشپم پریا چودھری نے انتخاب لڑنے کا اعلان کیا ہے۔
انہوں نے ٹویٹ کرتے ہوئے بتایا کہ وہ پٹنہ کے بانکی پور حلقہ (182) سے اپنا دعویٰ پیش کریں گی۔'
پشپم پریا چودھری نے کہا ہے کہ 'پلورل پول کمیٹی کی سفارش پر میں گنگا کے جنوب میں بسے اشوک کی قدیم دارالحکومت پٹنہ کے بانکی پور اسمبلی حلقہ سے امیدوار ہوں گی۔'
یہ بھی پڑھیں: کانگریس - آر جے ڈی کے مابین سیٹ شیئرنگ پر تنازع
واضح رہے کہ پشپم پریا چودھری نے خود کو کو پلورلز پارٹی کی جانب سے اخبارات میں ایک اشتہار کے ذریعے وزیر اعلی کا امیدوار بتایا تھا۔ اس کے بعد سے ہی وہ بہار کے تمام اضلاع کا مستقل دورہ کررہی ہیں۔ انہوں نے دعوی کیا ہے کہ ریاست کی تمام 243 اسمبلی نشستوں پر مقابلہ کریں گی۔
