ریاست بہار کے سابق وزیراعلی اور ہندوستانی عوام مورچہ سیکولر کے قومی صدر جیتن رام مانجھی نے پرشانت کشور کے 'گاندھی گوڈسے کے نظریہ والے ایک ساتھ رہیں یہ ممکن نہیں ہے' کے بیان کی حمایت کی ہے۔
انہوں نے یہ بھی کہا کہ 'اگر پرشانت کشور این ڈی اے کو شکست دینے کے لئے عظیم اتحاد کے ساتھ آنا چاہتے ہیں تو ہم اس پر غور کریں گے۔'
مانجھی نے عظیم اتحاد میں شمولیت کے سوال پر کہا کہ 'پی کے ایک حکمت عملی بنانے والے شخص ہیں۔ وہ سیاسی شخص نہیں ہے۔ ان کے پاس ایک انفراسٹرکچر ہے جس پر وہ کام کرتے ہیں۔ تاہم پھربھی پی کے این ڈی اے کو شکست دینے کے لئے عظیم اتحاد میں آنا چاہتے ہیں تو 20 فروری کو دہلی میں شرد یادو، اوپیندر کشواہا، مکیش سہنی اور کانگریس کے رہنماؤں کی میٹنگ میں اس پر غور کیا جائے گا۔'
انہوں نے عظیم اتحاد میں اپنی پارٹی کے شامل رہنے کے سوال پر کہا کہ 'بیس تاریخ کی میٹنگ کے بعد ہی فیصلہ کیا جائے گا۔'
انہوں نے یہ باتیں ایک پریس کانفرنس کے دوران گیا میں اپنے دفتر میں کہی۔
