بنگلورو: اپوزیشن اتحاد کی دوسری میٹنگ آج کرناٹک کے دار الحکومت بنگلورو میں ہونے جا رہی ہے۔ جہاں 2024 کے عام انتخابات کے حوالے سے حکمت عملی پر تبادلہ خیال کیا جائے گا۔ دریں اثناء بنگلورو کی سڑکوں پر بہار کے سی ایم نتیش کمار پر تنقید کرتے ہوئے ایک پوسٹر دیکھا گیا۔ جس میں انہیں غیر مستحکم وزیر اعظم امیدوار بتایا گیا ہے۔
بنگلورو میں اپوزیشن کی مشترکہ میٹنگ کو لے کر سڑکوں پر بڑے بڑے پوسٹر اور بینر لگائے گئے ہیں۔ ان پوسٹروں میں چلوکیہ سرکل، ونڈسر منور برج اور بنگلور میں ہیبل کے قریب ایئرپورٹ روڈ پر ایک مختلف پوسٹر دیکھا گیا۔ جس میں بہار کے وزیراعلی نتیش کمار کو نشانہ بنایا گیا ہے۔ نتیش کمار کو نشانہ بناتے ہوئے پوسٹر میں انہیں 'غیر مستحکم وزیر اعظم امیدوار' بتایا گیا ہے۔ یہی نہیں بہار کے سلطان گنج میں حال ہی میں منہدم ہونے والے پل کی تصویر بھی اس پوسٹر میں لگائی گئی ہے۔
آپ کو بتاتے چلیں کہ لوک سبھا انتخابات میں صرف 8-9 مہینے رہ گئے ہیں۔ یہی وجہ ہے کہ اس بار اپوزیشن پارٹیاں نریندر مودی کو شکست دینے کے لیے متحد ہونے کی تیاری کر رہی ہیں۔ یعنی اپوزیشن متحد ہوگئی ہے۔ پٹنہ میں اپوزیشن اتحاد کی پہلی میٹنگ کی کامیابی کے بعد اب اپوزیشن کی دوسری بڑی میٹنگ بنگلورو میں منعقد ہورہی ہے جس کا پہلا اجلاس گذشتہ روز ہوچکا ہے اور آج دوسرا اجلاس ہوگا۔
مزید پڑھیں:Nitish Janta Darbar نتیش نے جنتادربار میں62 لوگوں کے مسائل کو سنا
اس میٹنگ میں تقریباً 26 پارٹیوں کے رہنماوں نے شرکت کی ہے جبکہ پٹنہ میں صرف 15 پارٹیوں نے حصہ لیا تھا۔ اب اپوزیشن اتحاد کی صورتحال بنگلورو اجلاس سے ہی واضح ہو جائے گی۔
