ریاست بہار کے پٹنہ میں گزشتہ دنوں سے آر جے ڈی اور جے ڈی یو کے مابین زبردست پوسٹر وار جاری ہے، اس سلسلے میں کانگریس رہنما بھی سیاسی حریف کو نشانہ بنانے کا کوئی بھی موقع نہیں چھوڑ رہے ہیں۔
بہار کے سیاست میں پوسٹر وارجاری۔ویڈیو
اس میں کانگریس نے ریزرویشن ختم کرنے پر نتیش کمار اور مرکزی حکومت کے خلاف ایک پوسٹر ذریعے ریزرویشن ختم کرنے کا الزام عائد کیا ہے۔
اس معاملے میں کانگریس کے رہنما سدھارتھ چھترئے نے کہا کہ 'بی جے پی، آر ایس ایس کے قانون کو نافذ کرنا چاہتی ہے،اور ایک منصوبہ بند سازش کے تحت ریزرویشن ختم کرنا چاہتی ہے۔
انہوں نے یہ بھی کہا کہ جس طرح سے اتراکھنڈ میں ریزرویشن کے بارے میں سپریم کورٹ سے حکم آیا ہے۔ اس سے بی جے پی کی نیت کیا ہے یہ صاف ظاہر ہوتا ہے، انہوں نے اس سلسلے میں بات کرتے ہوئے کہا کہ کانگریس پارٹی اس کے خلاف مظاہرہ کرے گی۔
