ریاست بہار کے ضلع گیا میں عالمی شہرت یافتہ پتر پکش میلے کا آغاز ہوچکا ہے۔ جسے نائب وزیراعلی ششیل مودی کے ہاتھوں میلے کاافتتاح عمل میں آیا۔
گزشتہ بھی برس میلے کاافتتاح ریاست کے نائب وزیر اعلی ایم ششیل مودی کے ہاتھوں عمل میں آیا تھا۔
ایسے میں سال 2018 کے پتر پکش میلے کے افتتاحی تقریب سے نائب وزیراعلی ششیل کمارمودی کے بیان پر پھر سے سیاست گرماگئی ہے ۔
حزب اختلاف کے لیڈران نے ششیل مودی کے بیان پرطنز کیا تھا کہ گزشتہ بار ہاتھ جوڑنے پر بھی جرائم پیشہ عناصر خاموش نہیں ہوئے تھے۔
ذرائع کے مطابق لیڈران ان کے بیان پرطنز کس رہے ہیں کہ ' جس ریاست کانائب وزیراعلی جرائم پیشوں سے ہاتھ جوڑ کر گزارش کرتاہو کہ وہ پندرہ دنوں تک مجرمانہ واقعات کوانجام نہ دیں، اس ریاست کی بگڑتی صورتحال کااندازہ نہیں لگایاجاسکتا ہے'۔
رواں برس گیا میں مجرمانہ واقعات بڑھے ہیں اور کئی ایسے واقعات پیش آئے ہیں جس کے بعد خوب ہنگامہ آرائی ہوئی۔ایسے میں کیا نائب وزیراعلی ششیل مودی مجرموں سے اب کس طرح اپیل کریں گے ۔
واضح رہے کہ ششیل مودی نے 2018 کے پتر پکش میلے کے افتتاحی تقریب سے خطاب کرتے ہوئے کہا تھا کہ ' میلے میں باہر سے آنے والے زائرین کوکسی طرح کی تکلیف کاسامنہ نہیں ہوناچاہئے ۔اسکے لئے میں مجرموں سے ہاتھ جوڑ کر گزارش کرونگا کہ وہ کم سے کم پترپکش میلے میں مجرمانہ واقعہ کو انجام دینا چھوڑ دیں'۔
