بس اور وین کے مابین تصادم، ایک ہلاک متعدد زخمی

ریاست بہار کے ضلع بکسر کے راجپور تھانہ علاقہ میں آج صبح بس اور پک اپ وین کی ٹکر میں ایک مویشی تاجر ہلاک اور دیگر چھ زخمی ہو گئے ۔

پولیس ذرائع کا کہنا ہے کہ چوسا ۔ موہنیاں شاہراہ پر نکرش گاﺅں کے نزدیک رام گڑھ کے جورار سے چوسا مویشی میلے میں آ رہے تیز رفتار مویشیوں سے لدے پک اپ اور بکسر کی جانب سے آرہی بس میں زور دار ٹکر ہوگئی۔

اس حادثہ میں مویشی تاجر جگت نارائن عرف للو یادو (45) کی موقع پر ہی موت ہوگئی اور پک اپ ڈرائیور سمیت چھ زخمی ہوگئے۔ ٹکر اتنی زور دار تھی کہ پک اپ پر سوار تین مویشیوں کی بھی موت ہوگئی ۔

ذرائع نے بتایا کہ زخمیوں کو چوسا پرائمری ہیلتھ مرکز میں داخل کرایا گیا ہے ۔ لاش کو پوسٹ مارٹم کے لیے بکسر صدر ہسپتال بھیج دیا گیا ہے ۔ پولیس نے دونوں گاڑیوں کو ضبط کر لیا ہے اور معاملے کی تفتیش کر رہی ہے