عیدالاضحیٰ کی تیاری میں مصروف عوام ،عام دنوں سا بازار کا نظارہ

کرونا وبأ نے تہواروں کی رونق چھین لی ہے اس وجہ سے لوگ اپنے گھروں سے کم ہی نکل رہے ہیں۔ دارالحکومت پٹنہ کے سبزی باغ کی رونق بھی ماند پڑ گئی ہے۔

بہار کے دارالحکومت پٹنہ کا سبزی باغ لاک ڈاون کی وجہ سے عام دنوں جیسا نظر آرہا ہے عیدالاضحیٰ کے موقع پر سبزی باغ کی رونق ماند پڑ گئی ہے۔

عام حالات میں 9 ذوالحجہ کو سبزی باغ میں پیر رکھنے کی جگہ نہیں ہوا کرتی تھی، پٹنہ اور اطراف کے لوگ گھر جانے سے پہلے عیدالاضحیٰ کی تیاری کے لیے سبزی باغ آ کر خریداری کرتے تھے۔

ایک تخمینہ کے مطابق اس روز سبزی باغ میں مارکیٹنگ 3 سے 5 کروڑ کی ہوا کرتی تھی لیکن کرونا وائرس کے بڑھتے اثرات کی وجہ سے اب لوگ یہاں کا رخ کم ہی کررہے ہیں۔

اس کے علاوہ متوسط طبقہ لاک ڈاون کی وجہ سے معاشی پریشانی کا بھی شکار ہے، کچھ لوگوں نے کیمرے پر بات کرنے سے انکار کیا تو کچھ لوگوں نے بتایا کہ اس بار سبزی باغ کی مارکیٹنگ 50 لاکھ کے آس پاس ہی رہی ہے۔