پٹنہ: بہار کے دارالحکومت پٹنہ میں اپوزیشن اتحاد کا اجلاس شروع ہوگیا ہے جس میں شرکت کے لیے راہل گاندھی بھی پٹنہ پہنچے ہیں۔ راہل گاندھی کے استقبال کے لیے پٹنہ میں کئی جگہوں پر کانگریس کارکنوں نے مختلف قسم کے بینر پوسٹر لگائے ہیں۔ اس کے علاوہ راہل گاندھی کے مختلف نعروں والے پوسٹر بھی سڑک کے کنارے لگائے گئے ہیں۔ وہیں کچھ مقامات پر 'محبت کی دکن' کا اسٹال بھی لگایا گیا ہے۔
محبت کی دکان کا ڈیزائن بالکل حقیقی دکان کے کاؤنٹر جیسا ہی ہے۔ جس کے اوپر 'محبت کی دُکان' لکھا ہوا ہے اور اس میں ایک طرف راہل گاندھی کی ایک بڑی تصویر بھی لگائی گئی ہے تو دوسری طرف لکھا ہے کہ 'راہل گاندھی نے سنبھالی ہے کمان، پورے دیش میں کھلے گی محبت کی دکان'۔ساتھ ہی کاؤنٹر کے بیچ میں مختلف کین اور جار کے کٹ آؤٹ رکھے ہوئے ہیں۔ جن میں اخوت، خیر سگالی، حب الوطنی، ترقی اور سب کا احترام جیسے سلوگن لکھے ہوئے ہیں۔ اس کے ساتھ کاؤنٹر پر یہ بھی لکھا ہے کہ نفرت چھوڑو، بھارت جوڑو۔
یہ بھی پڑھیں:
- Patna Opposition Meeting اگر ہم بہار جیت گئے تو پورے بھارت میں جیت جائیں گے، راہل گاندھی
- Opposition Meeting پٹنہ میں اپوزیشن اتحاد کا اجلاس جاری
واضح رہے کہ پٹنہ میں اپوزیشن اتحاد کا اجلاس جاری ہے۔ میٹنگ میں نتیش کمار، لالو یادو، تیجسوی یادو موجود ہیں۔ بی جے پی کے خلاف کانگریس، ترنمول کانگریس، آر جے ڈی، جے ڈی یو سمیت 17-18 پارٹیاں ایک میز پر بیٹھ کر حکمت عملی پر غور و فکر کر رہی ہیں۔ اپوزیشن جماعتوں میں راہل گاندھی، ممتا بنرجی، ہیمنت سورین، اسٹالن موجود ہیں۔ راہل کے استقبال کے لیے وزیر اعلیٰ نتیش کمار خود پٹنہ ایئرپورٹ پہنچے تھے۔اس ملاقات کے بعد تصویر کافی حد تک واضح ہو جائے گی کہ لوک سبھا انتخابات 2024 کے لیے کیا سیاسی تحریک چلنے والی ہے۔
