پٹنہ کے مشہور و معروف مارکیٹنگ کمپلیکس موریا لوک کے مغربی جانب بہار ریاستی سنی وقف بورڈ کی 20 دکانیں برسوں سے قائم ہیں، جنہیں پٹنہ میونسپل کارپوریشن کے ذریعہ مسمار کرنے اور دوکانداروں کے خلاف قانونی کاروائی کرنے کا فیصلہ کیا گیا تھا۔
گذشتہ 25 اپریل تک ان دکانداروں کو نوٹس دیکر خالی کرنے کے بات کہی گئی تھی جبکہ پٹنہ ضلعی عدالت نے اس پر روک لگائی تھی۔ اس کے باوجود کارپوریشن اپنی کارووائی کر رہا تھا۔ ان دکانداروں نے پٹنہ ہائی کورٹ میں اپیل کی تھی آج پٹنہ ہائی کورٹ نے ان تمام دکانداروں کی حمایت میں فیصلہ دیا ہے۔
دکان داروں کی جانب سے ہائی کورٹ میں ان کی عرضی پر بحث کرنے والے وکیل نریش دکشت نے کوٹ کو بتایا کہ کارپوریشن دوکانداروں کے خلاف کارروائی کر رہا ہے۔
یہ تمام دکانیں بہار ریاستی سنی وقف بورڈ کی زمین پر قائم ہے ذیلی عدالت کے حکم کو بھی میونسپل کارپوریشن نے نظر انداز کردیا تھا، اب پٹنہ ہائی کورٹ نے اس تمام معاملے کی سماعت کے لیے آئندہ 7 مئی کو وقت مقرر کیا ہے۔
