رکن پارلیمنٹ پشوپتی کمار پارس ایل جے پی گروپ کے صدر منتخب

میٹنگ میں قومی ایکزیکٹیو کمیٹی کے 78 میں سے 56 اراکین موجود تھے۔ اجلاس کے بعد صدرعہدہ کیلئے پارس نے پرچہ داخل کیا۔ اس عہدہ کے لئے کوئی اور دعویدار نہیں ہونے کی وجہ سے پارس کو بلا مقابلہ منتخب کر لیا گیا۔

لوک جن شکتی پارٹی ( ایل جے پی) میں جاری سیاسی رسہ کشی کے درمیان آج بہار کے حاجی پور سے پارٹی کے رکن پارلیمنٹ پشوپتی کمار پارس کو قومی صدر ( پارس گروپ) منتخب کرلیا گیا ہے۔

ایل جے پی کے قومی نائب صدر اور پارس گروپ کے ایکزیکٹیو صدر سابق رکن پارلیمان سورج بھان سنگھ کی رہائش گاہ پر جمعرات کو قومی مجلس عاملہ کی میٹنگ ہوئی۔

تقریبا 6 گھنٹے چلی اس میٹنگ میں قومی ایکزیکٹیو کمیٹی کے 78 میں سے 56 اراکین موجود تھے۔ اجلاس کے بعد صدر عہدہ کیلئے پارس نے پرچہ داخل کیا۔ اس عہدہ کے لئے کوئی اور دعویدار نہیں ہونے کی وجہ سے پارس کو بلا مقابلہ منتخب کر لیا گیا۔

اس کے بعد پارس کو ایکزیکٹیو صدر سنگھ نے سرٹیفکٹ دیا۔ پارس کے پرچہ داخل کرنے کے وقت رکن پارلیمنٹ چندن سنگھ، وینا دیوی اور محبوب علی قیصر موجود تھے۔ حالانکہ اس دوران پارٹی کے رکن پارلیمنٹ پرنس راج موجود نہیں تھے۔

یو این آئی