بہار میں عظیم اتحاد کی جماعت راشٹریہ جنتا دل کے رہنما تیجسوی یادو کے سالگرہ کے موقع پر آر جے ڈی کارکنان میں خوشی کا ماحول ہے۔ کچھ کارکن ایسے بھی ہیں، جو اپنے رہنما کو سالگرہ کی مبارکباد دینے کے لئے رکشہ کے ذریعے پہنچے ہیں۔ ان کا جوش رکشہ کی سجاوٹ سے صاف دیکھا جاسکتا ہے۔
چھوٹے لالو کے نام سے مشہور وریندر شرما تیجسوی یادو کو سالگرہ کی مبارکباد دینے کے لئے رکشہ سے پہنچے ہیں۔ اس دوران ای ٹی وی بھارت کے ساتھ خصوصی گفتگو کرتے ہوئے وریندر شرما نے کہا کہ 'تیجسوی کی سالگرہ کے موقع پر وہ انہیں ایک تحفہ دیں گے۔'
وریندر شرما نے کہا کہ تمام کارکنان تیجسوی یادو کی سالگرہ انتہائی شائستہ انداز میں منا رہے ہیں۔
انہوں نے کہا کہ تیجسوی یادو کی جیت پکی ہے، ہم ایگزٹ پول پر یقین نہیں رکھتے، ہم نتائج پر یقین رکھتے ہیں۔ یقینی طور پر ہم ایک بہت بڑی فتح حاصل کریں گے۔'
