کیمور: غیر قانونی اسلحہ کے ساتھ ایک گرفتار

ڈی ایس پی فیض احمد خان نے رام گڑھ تھانے میں پریس کانفرنس کرتے ہوئے بتایا کہ 'خفیہ معلومات کی بنیاد پر پولیس نے ایک شخص کو سدولہ پور سے اسلحہ رکھنے کے معاملے میں گرفتار کیا ہے۔'

ریاست بہار کے ضلع کیمور کی رام گڑھ پولیس نے غیر قانونی اسلحوں کے ساتھ ایک شاطر بدمعاش کو گرفتار کرکے جیل بھیج دیا۔ گرفتار بدمعاش کے پاس سے پولیس نے چار زندہ کارتوس برآمد کیا ہے۔

بتایا جاتا ہے کہ گرفتار بدمعاش اس سے پہلے بھی جیل جا چکا ہے۔ پولیس نے یہ کارروائی ضلع کے سدولہ پور گاؤں میں کی۔ پولس کو خفیہ اطلاع ملی کہ سنجے تیواری نامی شخص کو اسلحوں کے ساتھ دیکھا گیا۔ جس پر پولس نے کارروائی کرتے ہوئے بدمعاش کو گرفتار کرکے جیل بھیج دیا۔

اس سلسلے میں ہم آپ کو بتاتے چلیں کہ رام گڑھ پولیس پنچایت انتخابات کے پیش نظر بہت سخت ہے۔ پولیس ایک خاص مہم چلا رہی ہے۔ مقامی پولیس کی جانب سے ایسے ملزمان جو کہ غیر قانونی سرگرمیوں میں ملوث ہیں ان کو گرفتار کیا جا رہا ہے۔