ریاست بہار کے ضلع ارریہ میں پارلیمانی انتخابات کی تیاری کو لیکر ضلع پولیس انتظامیہ حرکت میں آ گئی ہے۔ اور جگہ جگہ اس تعلق سے نشستوں کا دور شروع ہو گیا۔
اعلیٰ افسران اور عوامی نمائندوں سے لیکر عوام تک پولیس انتظامیہ رابطہ کر سازگار ماحول بنا رہی ہے۔ اور اس میں ہر ایک کی کارکردگی اہم بتا رہی ہے۔
اسی ضمن میں آج ارریہ ضلع کے تمام اعلیٰ افسران سمیت تھانہ صدر، بی ڈی او، سی او کا ایک اہم اجلاس ٹاؤن ہال میں منعقد ہوا۔ جس میں ڈی ایم، ایس پی، ایس ڈی او کے علاوہ مختلف شعبوں کے اعلیٰ افسران شریک ہوئے۔
ضلع کلکٹر بیجناتھ یادو نے سبھی تھانے دار سے کہا کہ تمام تھانے دار اپنے حلقہ کے بدمعاش، غنڈے اور شرپسند عناصر کی نشاندہی کر کے ان کے خلاف دفعہ 107 و 109 کی کارروائی کرے۔
انہوں نے کہ کہ 'ضابطہ اخلاق کی خلاف ورزی کرنے والوں کو کسی بھی حال میں نہیں بخشا جائےگا۔چاہے وہ کسی بھی پارٹی یا سیاسی لوگوں کا قریبی ہو'۔
ضابطہ اخلاق کے اصول و ضوابط کو ہر حال میں اپنانا ہے اور اس کے دائرے میں کوئی بھی آئے اس پر سخت سے سخت کارروائی کریں۔
ایس پی دھورت سائلی نے تمام افسران کو سخت ہدایت دیتے ہوئے کہا کہ جتنے بھی پولیس اہلکار ہیں ڈیوٹی کے دوران وہ مجھے مستعد دکھنے چاہیے ۔کسی طرح کی سستی برتنے والے پولس اہلکار کے خلاف بھی سخت کارروائی ہوگی۔انہوں نے کہا بغیر اجازت ڈی جے بجانے والے، گاڑی پر کالا شیشہ لگا کر چلنے والے، اور بینر پوسٹر کا استعمال کرنے والوں کے خلاف کارروائی ہوگی۔
ٹاؤن ڈی ایس پی کے ڈی سنگھ نے کہا کہ شہر کے ساتھ دیہی علاقوں میں سیاسی پارٹی کے کارکنوں پر نظر رکھنے کی ضرورت ہے۔ تاکہ کسی طرح کا کوئی بدعنوانی کی بات سامنے نہ آسکے۔
