گیا، بہار: بہار حکومت کی سرکاری اور تسلیم شدہ مدارس کو مضبوط بنانے کی اسکیم کے تحت مدرسہ قادریہ کی عمارت کی تجدیدی تعمیر کا منصوبہ ہے۔ مدرسہ قادریہ ضلع گیا کے کونچ بلاک میں واقع بھام نگر گاؤں میں ہے جو ضلع ہیڈ کوارٹر سے چالیس کلو میٹر دور ہے، مدرسہ کے پرنسپل محمد صدیق نے بتایا کہ چار کمرے بنانے کی تجویز ضلع محکمہ اقلیتی فلاح دفتر گیا سے محکمہ اقلیتی بہبود پٹنہ کو بھیجی جاچکی ہے، اسی ضمن میں ڈائریکٹر احمد محمود نے مدرسہ پہنچ کر جائزہ لیا۔ Officer inspected Qadriya Madrassa in Gaya
واضح رہے کہ مدرسہ قادریہ کا قیام سنہ 1982 میں ہوا تھا اور اس کا رجسٹریشن مدرسہ بورڈ پٹنہ میں سنہ 1987 میں کیا گیا تاہم اس مدرسے کو مالی منظوری سال 2015 سے ملی۔ یہاں دو سو سے زائد طلباء زیر تعلیم ہیں اور یہاں درجہ فوقانیہ تک کی تعلیم ہوتی ہے۔ فی الحال چھ روم یہاں بنے ہوئے ہیں جو خستہ حال ہیں۔ توقع ہے کہ مالی سال میں ہی عمارت کی تعمیر کا کام شروع ہوجائے گا۔ madarsa qadriya bham nagar gaya
واضح ہوکہ وزیراعلی نتیش کمار نے مدارس کو تعلیم کے مرکزی دھارے میں لانے کی پہل سنہ 2018 میں کرتے ہوئے خصوصی اسکیم " مدرسہ تزئین کاری " اسکیم کی شروعات کی تھی اس اسکیم کے تحت جو مدارس سرکاری ہیں یا پھر منظور شدہ ہیں وہاں پر عمارت کی تعمیر سمیت اسکی تزئین کاری وغیرہ کرنے کا منصوبہ ہے گیا میں کل چھ سرکاری اور منظور شدہ مدرسے ہیں۔
یہ بھی پڑھیں:
