دربھنگہ: بہار کے دربھنگہ میونسپل کارپوریشن الیکشن کے لئے بہت سے امیدواروں نے میونسپل الیکشن 2022 کے لئے پرچہ نامزدگی کے عمل کے تحت بنائے گئے انرولمنٹ دفتر وکاس بھون دربھنگہ میں اپنا پرچہ داخل کیا۔ کاغذات نامزدگی داخل کرنے کے لیے آنے والے امیدواروں کے ساتھ ساتھ ان کے حامیوں کی بھی بڑی تعداد دیکھی جارہی ہے۔ پرچہ نامزدگی کا عمل سخت حفاظتی انتظامات کے درمیان سی سی ٹی وی کیمروں کی نگرانی میں جاری ہے۔کئی سی سی ٹی وی کیمروں کی مدد سے نامزدگی کی تمام سرگرمیوں پر نظر رکھی جا رہی ہے۔ نامزدگی کے لیے کئی کمرے بنائے گئے ہیں جن میں مختلف وارڈز کے لئے الگ الگ انرولمنٹ کاؤنٹر مختلف کمروں میں بنائے گئے ہیں۔ Darbhanga Election Updates
واضح رہے کہ دربھنگہ میونسپل کارپوریشن کے کُل 48 وارڈ میں انتخابات کے لیے پرچہ نامزدگی کی تاریخ 16 ستمبر 2022 سے 24 ستمبر 2022 تک مقرر کی گئی ہے۔ کاغذات نامزدگی کے پہلے دن کسی بھی امیدوار نے پرچہ داخل نہیں کیا تھا۔ پرچہ نامزدگی داخل کرنے آنے والی امیدوار زینت پروین اور ان کے شوہر سابق کونسلر نفیس الحق رنکو اور صدف فاطمہ سے بات ہوئی تو انہوں نے اپنی فتح کا دعویٰ کیا۔ Nomination Filing Process of Darbhanga Municipal Election
- یہ بھی پڑھیں: Gaya Local Body Election گیا میں بلدیاتی انتخابات سے متعلق انتظامیہ کی کوئی تیاری نہیں
بتادیں کہ دربھنگہ میونسپل کارپوریشن میں کُل 48 وارڈ ہیں جن کے لیے ووٹنگ کی تاریخ 20 اکتوبر 2022 ہے جبکہ ووٹوں کی گنتی 22 اکتوبر 2022 کو ہوگی۔
