گیا: نتیش کمار بودھ مہوتسو کا افتتاح کریں گے

گیا میں بودھ مہوتسو کا آغاز ہونے جا رہا ہے۔ وزیراعلی نتیش کمار گیا پہنچیں گے اور مختلف پروگرامز میں شریک ہوکر شام کو کلچکر میدان پہنچیں گے۔

ریاست بہار کے ضلع گیا میں واقع عالمی شہرت یافتہ شہر بودھ گیا میں سہ روزہ بودھ مہوتسو کی تیاریاں مکمل کرلی گئی ہیں۔

اس موقع پر وزیراعلی نتیش کمار، نائب وزیراعلی سشیل مودی، محکمہ سیاحت کے وزیر پرمود اور محکمہ زراعت کے وزیر سمیت کئی ریاستی وزیر اور اعلی حکام شریک ہوں گے۔

بودھ مہوتسو میں ملک وبیرون ملک کے فنکار، گلوکار وغیرہ شریک ہوں گے۔

وزیراعلی کی آمد کو لے کر حفاظتی بندوبست بھی پختہ کرلیے گئے ہیں۔

وہیں بودھ مہوتسو میں پہلے روز ہندی سنیما کی معروف اداکارہ ہیما مالینی اپنے رقص کا جادو بکھیریں گی۔

افتتاح کی شام وہ کلاسیکل رقص پیش کریں گی اور دوسرے دن 30 جنوری کو مشہور گلوکار التمش فریدی اور شاداب فریدی یہاں اپنے فن کا مظاہرہ کریں گے۔

آخری دن گلوکار پالک موچل کے نغموں سے بودھ گیا جھومے گا۔ ان کے علاوہ 9 ممالک مہمان، جاپان، تھائی لینڈ، ویتنام، سری لنکا، بھوٹان، انڈونیشیا، کمبوڈیا، لاؤس منگولیا کے فنکار اپنی گلوکاری سے لوگوں کو محظوظ کریں گے۔

بیرون ملک کے فنکاروں کو دیکھنے والے ان کے نغمے سے لطف اندوز ہوں گے۔ پہلی بار، جاپانی فنکار بودھ فیسٹیول میں نظر آئیں گے۔