ریاست بہار کے ضلع گیا میں وزیر اعلی نتیش کمار کے مجوزہ دورے کے لئے ضلعی سطح پر تیاریاں زوروں پر ہیں، ڈسٹرک مجسٹریٹ ابھشیک کمار سنگھ نے صدر سب ڈیویزن کے دفتر میں پہنچ کر تیاریوں کاجائزہ لیا۔
ڈسٹرک مجسٹریٹ ابھشیک کمار سنگھ نے صدر سب ڈیویزن کے جائزہ کے دوران ٹوٹے شیشے، سنگل کھڑکی اور صاف و صافی کا جائزہ لیا اور ہدایت جاری کی۔
ڈسٹرک مجسٹریٹ نے جائزہ کے دوران گندگی کو دیکھ کر دفتر کے ملازمین کو پھٹکار بھی لگائی اور کہا کہ صاف ستھرائی کامکمل خیال رکھیں اور ساتھ ہی یہاں شکایت ومسائل کو لیکر آنے والوں کے بیٹھنے کامعقول نظم کیا جائے۔
ساتھ ہی انہوں نے دفتر کے اندر اور باہر لگے پرانے پوسٹروں کو ہٹا کر نئے پوسٹر لگا کر حکومت کے منصوبوں کی جانکاری دینے کی ہدایت دی ۔
وزیراعلی نتیش کمار ضلع گیا کے دورہ پر آنے والے ہیں حالانکہ ابھی تاریخ کا تعین نہیں کیا گیا تاہم انتظامیہ کی جانب سے ملی معلومات کے تحت 19 دسمبر کو وزیراعلی ضلع کا دورہ کریں گے۔
