پٹنہ: بہار کے وزیراعلیٰ نتیش کمار نے کٹیہار سڑک حادثے میں ہوئی سات لوگوں کی موت پر گہری تعزیت کا اظہار کیا ہے۔نتیش کمار نے کٹیہار ضلع کے گوڑا باڑی ۔ کٹیہار نیشنل ہائی وے نمبر ۔81 پر دیگھری پیٹرول پمپ کے نزدیک سموار کی دیر شام ہوئی خوفناک سڑک حادثے میں سات لوگوں کی موت پر گہری تعزیت کا اظہار کیاہے ۔ انہوں نے اس واقعے انتہائی افسوسناک بتایاہے۔ وزیراعلیٰ مغموم اہل خانہ کو دکھ کی اس گھڑی میں صبر کرنے کی قوت عطا کرنے کی دعا کی ہے۔Nitish Expresses Grief over Accident Death
دراصل یہ پورا واقعہ ضلع کے کودھا تھانہ علاقے کے دگھری علاقے میں پیش آیا۔ جہاں این ایچ 81 پر ایک بے قابو ٹرک نے مسافروں سے بھرے آٹو کو ٹکر مار دی۔ اس دردناک سڑک حاثے میں آٹھ افراد ہلاک ہو گئے۔ مرنے والے ایک ہی خاندان کے افراد بتائے جاتے ہیں جو کہ مقامی نیرج ٹھاکر خاندان کے افراد ہیں۔ مرنے والوں میں ایک یا دو خواتین بھی شامل ہیں۔ بتایا جاتا ہے کہ یہ حادثہ اس وقت پیش آیا جب لوگ ایک آٹو میں کھیریا سے کٹیہار جا رہے تھے جبکہ ٹرک کٹیہار سے گیڈاباری جا رہا تھا۔ واقعہ کے بعد افراتفری مچ گئی۔ کودھا پولیس اسٹیشن کولاسی او پی پولیس کے ساتھ ایس ڈی پی او اور دیگر افسران موقع پر پہنچ گئے۔ موقع پر پہنچے کودھا پولیس اسٹیشن کے سربراہ روپک رنجن سنگھ نے بتایا کہ فی الحال پولس معاملے کی جانچ کر رہی ہے۔
یہ بھی پڑھیں: Katihar Road Accident کٹیہار میں پیش آئے دردناک سڑک حادثہ میں آٹھ لوگوں کی موت
یو این آئی
