سیلاب قدرتی چیز ہے: نتیش کمار

بہار میں سیلاب کو نتیش کمار نے قدرتی چیز کہا ہے۔ وہیں آر جے ڈی کے رہنما نے حکومت اور ڈیزاسٹر مینیجمنٹ کی کمی بتائی۔ ساتھ ہی ڈرینیج سسٹم کی خستہ حالی کو پٹنہ کے جھیل میں تبدیل ہونے کی وجہ بتائی۔

بہار کے وزیر اعلی نتیش کمار نے پٹنہ میں سیلاب کا جائزہ لیا۔ انہوں نے کہا بارش قدرتی چیز ہے اور یہ اس طرح کے حالات کسی کے ہاتھ میں نہیں ہے۔
لوگوں کو پینے کے پانی محیا کرانے کا نظم کیا گیا ہے۔ ساتھ ہی سیلاب متاثرین کے لیے کمیونٹی کچن کا بھی انتظام کیا گیا ہے۔
انہوں نے کہا کہ گزشتہ روز سے کئی علاقوں میں زبردست بارش ہو رہی ہے اور گنگا ندی کی سطح آب میں مستقل اضافہ ہو رہا ہے۔ لیکن خاص انتظامات کیے گیے ہیں اور موقع پر انتظامیہ لوگوں کو ہر ممکن مدد پہنچانے کے لیے موجود ہیں۔

نیشنل ڈیزاسٹر ریسپانس فورس, این ڈی آر ایف کی ٹیم موقع پر ریسکیو کا کام میں جٹی ہے تاکہ لوگوں کو محفوظ مقامات پر پہنچایا جا سکے۔ شدید بارش کے سبب لوگوں کے پھنسے ہونے کا اندیشہ ہے۔ پٹنہ جنکشن ریلوے اسٹیشن کی ریل کی پٹریاں پانی میں ڈوب گئی ہیں۔ کئی ٹرینیں رد کر دی گئی ہیں۔ تیز بارش اور سیلاب سے آمدورفت اور معمولات زندگی بری طرح متاثر ہیں ۔ وہیں آر جے ڈی لیڈر, منوج جھا نے بہار میں سیلاب پر حکومت پر تنقید کا نشانہ بنایا ہے۔منوج جھا نے کہا کہ بہار میں سیلاب کوئی نئی بات نہیں ہے لیکن سیلاب کا منیجمنٹ, ڈیساسٹر منیجمنٹ تشویش کا موضوع ہے۔منوج جھا نے کہا کہ میں نے دیکھا کہ ایک دن کی بارش نے حکومت اور انتظامیہ کی پول کھول دی ہے۔ پٹنہ سے سہرسا تک کے سیور اور نالیوں کا جو ہا ل ہے اس سے پٹنہ اور گاندھی میدان جھیل میں تبدیل ہو گیا ہے۔ ہماری سرکار آفت, ڈیساسٹر, کا انتظار کرتی ہے۔ کوئی پروایکٹیو نہیں ہے۔ کوئی کمٹمنٹ نہیں ہے-