اطلاعات کے مطابق گرفتار ماؤنواز کے پاس سے پولیس نے اسلحے بھی برآمد کئے گئے ہیں۔ اس سلسلے میں تھانہ انچارج کمار سوربھ نے بتایا کہ 18 فروری 2018 کو بارہ چٹی تھانہ علاقے کے نکسل متاثرہ علاقہ کے ایک گاؤں میں نکسلیوں اور سنٹرل ریزرو پولیس فورس کے جوانوں کے ساتھ تصادم ہوا تھا ۔
جس میں بیجو منڈل متعدد نکسلیوں کے ساتھ مل کر پولیس پر گولیاں چلارہاتھا حالانکہ اس تصادم میں بیجو اور اس کے ساتھی کسی طرح سے فرار ہونے میں کامیاب رہا تھا ۔
گرفتار ماؤنواز بیجو ضلع گیا کے بارہ چٹی علاقے کا رہنے والا ہے جس سے پولیس بارہ چٹی تھانے میں ہی پوچھ تاچھ کر رہی ہے۔
واضح رہے کہ بیجو کئی معاملے میں مطلوب ہونے کے باؤجود ابھی تک فرار تھا حالانکہ پولیس کافی دنوں سے بیچو کی تلاش کر رہی تھی لیکن وہ ہمیشہ پولیس کو چکمہ دے کر فرار ہونے میں کامیاب رہا تھا لیکن اس بار سی آر پی ایف اور کوبرا پولیس نے ماؤنواز بیچو کی گرفتاری کے لئے علاقے میں ناقہ بندی کر کے سرچ اوپریشن چلایا جس میں یہ کامیابی ہاتھ لگی۔
