اب تک آپ نے اداکار نانا پاٹیکر کو صرف فلموں میں ہی کھیتوں میں کام کرتے ہوئے دیکھا ہوگا، لیکن بالی ووڈ اداکار ہفتے کے روز بہار پہنچے۔ یہاں وہ مقاما کے گاؤں آونٹا میں کسان کے لباس میں نظر آئے۔ دراصل نانا پاٹیکر سی آر پی ایف کے پروگرام میں حصہ لینے کے لئے بہار کے مقاما آئے تھے۔
پردے کا یہ مشہور اداکار ہفتے کے روز دوپہر کے بعد مقامہ گاؤں پہنچے۔ کسانوں کے ساتھ کچھ لمحے گزارنے کے بعد انہوں نے بہار کے گاؤں کی تعریف کی۔
انہوں نے کہا کہ 'بھارت تو گاؤں میں آباد ہے۔' اس دوران انہوں نے کھیتوں میں ہل بھی چلایا۔
اس موقع پر نانا پاٹیکر نے کسانوں کی مشکلات کے بارے میں بھی جاننے کی کوشش کی۔ ساتھ ہی کھیتوں میں بوائی کا نظارہ بھی دیکھا۔
سینما اسٹار نانا پاٹیکر کی آمد کی خبر سنتے ہی مقامی لوگوں کی بڑی تعداد ان کی ایک جھلک پانے کے لئے دوڑ پڑی۔ لیکن پولیس نے کورونا انفیکشن اور سیکیورٹی کی وجہ سے گاؤں کے لوگوں کو نانا سے ملنے نہیں دیا۔
اسی دوران سخت سکیورٹی کے درمیان نانا پاٹیکر نے اونٹا گاؤں میں کچھ لمحے گزارے اور پھر وہ سی آر پی ایف کیمپ میں واپس چلے گئے۔
واضح رہے کہ 'نانا پاٹیکر سی آر پی ایف کے پروگرام میں حصہ لینے کے لئے مقاما آئے ہوئے تھے۔
