بہار کے مظفرپور میں سڑک حادثات تھمنے کا نام نہیں لے رہے ہیں۔ تازہ حادثہ منیاپور تھانہ کے پاناپور اوپی حلقہ کے نرییار کے اسٹار ہوٹل کے قریب پیش آیا جہاں جمعہ کی علی الصبح باراتی بس کو ایک بے قابو ٹرک نے پیچھے سے زوردار ٹکر مار دی جس میں 4 لوگوں کی موقع پر ہی موت ہوگئی جبکہ 15 لوگ زخمی ہوگئے جن کا علاج چل رہا ہے۔
حادثہ کے بارے میں بتایا گیا ہے کہ جمعرات کی شام مظفرپور کے گائے گھاٹ تھانہ حلقہ سے باراتی موتیہاری کے ڈھاکہ گئی تھی جہاں سے لوٹنے کے دوران پاناپور کے نرییار کے پاس بس کا ٹائر پھٹ گیا جس کے بعد لوگ بس کے آگے کھڑے ہوگئے کہ اسی دوران پیچھے سے آرہی تیر رفتار بے قابو ٹرک نے ٹکر مار دی جس سے دو درجن لوگ زد میں آگئے۔
اس دردناک حادثے میں چار لوگوں کی موت ہوگئی جبکہ 15 سے زیادہ زخمی ہوگئے جنہیں ایس کے ایم سی ایچ سمیت دیگر ہسپتالوں میں بھرتی کرایا گیا ہے۔
موقع پر پہنچ کر پولیس نے لاش کو پوسٹ مارٹم کے لئے بھیج دیا ہے۔
مزید پڑھیں: کیمورمیں سڑک حادثہ، 1 شخص کی موت، 9 زخمی
ایس ڈی ایم کندن کمار نے بتایا کہ اس حادثہ میں چار لوگوں کی موقع پر ہی موت ہوگئی۔
