ریاست بہار کا ضلع گیا آبادی کے لحاظ سے ایک بڑا ضلع ہے۔ سرکاری اعدادوشمار کے مطابق گیا کی آبادی تقریبا 52 لاکھ ہے۔ مجموعی طور پر اقلیتی طبقے کی آبادی تقریبا بیس فیصد بتائی جاتی ہے لیکن معاشی طور پر یہاں مسلم آبادی متوسط ہے۔ ضلع اقلیتی فلاح افسر جتیندر کمار نے کہا کہ بہار کے مسلم اکثریتی والے ضلع کی طرح یہاں بھی ہر برس بڑے پیمانے پر وزیر اعلیٰ اقلیتی روزگار قرض اسکیم کے لیے فارم بھرے جاتے ہیں تاہم گزشتہ برسوں میں دیکھا گیا ہے یہاں روزگار کے لئے قرض لینے والوں میں نصف آبادی یعنی کہ خواتین کی تعداد 35 سے 40 فیصد ہے۔ Muslim Women Benefit From Loan Scheme
خواتین کی تعداد میں نمایاں اضافہ کی وجہ یہ بھی ہے کہ قرض اسکیم میں حکومت کی جانب سے خواتین کے لیے خاص رعایت دی گئی ہے۔ مردوں کی بنسبت خواتین کے لیے پہلی ترجیح ہے اور قرض اسکیم کے درخواست دہندگان کے سلیکشن میں خواتین کے لیے 10 نمبر مختص ہوتے ہیں۔CM Minority Employment Loan Scheme
گیا میں مالی سال 2021-2022 کے لیے 696 فارم بھرے گئے تھے، جس میں 265 خواتین نے درخواست دی تھی۔ وزیر اعلیٰ اقلیتی روزگار قرض جانچ کیمپ میں پہنچی طوبیٰ ناز نے کہا کہ مسلم خواتین بھی ہر شعبے میں آگے بڑھ رہی ہیں۔ قرض اسکیم کے تحت ضلع میں ہر برس خواتین روزگار کے لیے قرض کی رقم لیتی ہیں اور وہ روزگار بھی کرتی ہیں۔ انہوں نے کہا کہ مسلم خواتین اپنے مذہب کے مطابق روزگار کریں تو برکت ہوگی۔CM Minority Employment Loan Scheme
ایک اور خاتون نے بتایا کہ وہ اپنے والد کے ہاتھ کو مضبوط کرنا چاہتی ہیں۔ تجارت کرکے وہ اپنی اور اہلخانہ کی ضروریات کو پورا کریں گی۔ لاک ڈاون کے دوران بڑی پریشانیوں کا سامنا کرنا پڑا تھا۔ وزیر اعلیٰ اقلیتی روزگار قرض مسلم خواتین کی مدد گار اسکیم ہے۔ واضح رہے کہ ضلع گیا میں اب تک دو سو سے زیادہ خواتین اس اسکیم سے مستفید ہوچکی ہیں اور یہ خواتین اپنے گھروالوں کی مدد سے تجارت میں مصروف ہیں۔ Muslim Women Benefit From Loan Scheme
یہ بھی پڑھیں: CM Minority Employment Loan Scheme: وزیر اعلیٰ اقلیتی روزگار قرض کیلئے امیدواروں کے کاغذات کی جانچ جاری
