ریاست بہار کے ضلع گیا میں واقع اتری تھانہ حلقہ کے ڈیہری کی رہنے والی اسماء خاتون نے پنجاب نیشنل بینک کے منیجر پر بدسلوکی کا الزام لگایا ہے اسماء خاتون نے کہا کہ ان کے خاص لباس 'نقاب' پہننے پر تقنید کرتے ہوئے منیجر نے اس سے بد کلامی کی اور اس کے اکاونٹ سے اسے رقم نہیں نکالنے دیا، جس کی شکایت اب ڈی ایم گیا تیاگ راجن سے کی گئی ہے۔ Punjab National Bank in Gaya
دراصل ضلع کے اتری تھانہ حلقہ کے اکتھو میں واقع پنجاب نیشنل بینک میں اسماء خاتون رقم نکالنے پہنچی تھی اور وہ نقاب پوش تھیں تبھی بینک منیجر روہت رنجن نے انہیں نقاب اتار کر بینک میں داخل ہونے کو کہا۔ جس کے بعد اسماء نے اس کی مخالفت کی اس سلسلے میں ہندوستانی عوام مورچہ سیکولر کے اقلیتی سیل کے قومی صدر توصیف الرحمن خان نے ڈی ایم کو مکتوب بھیج کر پورے معاملے کی تحقیق کے ساتھ منیجر پر کاروائی کا مطالبہ کیا ہے۔
توصیف الرحمن خان نے اپنے مکتوب میں خاتون کے ساتھ بدسلوکی کرنے کا بھی ذکر کیا ہے۔ واضح رہے کہ گیا میں پہلے بھی بینک میں نقاب پہن کر جانے پر روکے جانے کا معاملہ پیش آچکا ہے تاہم اس مرتبہ معاملہ سیاسی رخ اختیار کر رہا ہے دراصل یہ معاملہ گزشتہ 26دسمبر کا بتایا جارہا ہے۔
