'پارلیمینٹ میں مسلمانوں کی نمائندگی میں کمی تشویشناک'

بہار کے سابق رکن پارلیمان علی انور انصاری نے کہا کہ پارلیمان اور ریاستی اسمبلیوں میں مسلمانوں کی نمائندگی کم ہونا تشویشناک ہے۔

علی انور انصاری نے ای ٹی وی بھارت سے خصوصی بات چیت میں کہا کہ مسلمانوں کی نمائندگی پارلیمنٹ اور ریاستی اسمبلیوں میں صفر تک پہنچ گئی ہےاور ایسا بی جے پی نے ایک سازش کے تحت کیا ہے۔

انہوں نے ریاست کے وزیر اعلی نتیش کمار پر نکتہ چینی کرتے ہوئے کہا کہ ان کی حکومت کے باوجود بھی ایک ماہ قبل سیتامڑھی میں ایک بزرگ کو فرقہ وارانہ فساد کے نام پر زندہ جلا دیا گیا وہ ایک پسماندہ مسلمان تھے جن کا نام زین الدین انصاری تھا۔