بہار: کیمور میں گاڑیوں کی چیکینگ اور جرمانے

ریاست بہار کے کیمور ضلع میں محکمہ ٹرانسپورٹ کی جانب سے لگاتار موٹر گاڑیوں سے قوانین کی خلاف ورزی کو روکنے کے لیے چیکنگ پروگرام چلایا جا رہا ہے۔

موہنیاں کے قومی شاہرہ پر محکمہ ٹرانسپورٹ کے افسر رام بابو نےگاڑیوں کی چیکنگ کی۔ چیکنگ کے دوران کُل پچانوے گاڑیوں کی جانچ کی گئی جس میں سے 37 گاڑیوں پر جرمانے لگائےگئے، اس موقع پر 35 ہزار روپے کی وصولی کی گئی۔

اس سےمتعلق ڈی ٹی او رام بابو نے بتایا کہ موٹر ایکٹ کے تحت قانون کی خلاف ورزی کرنے والوں کے خلاف مسلسل مہم چلائی جارہی ہے۔ اور اس مہم سے لوگوں کو بیدار بھی کیا جا رہاہے، عوام سے گزارش کی جارہی ہے کہ لوگ موٹر ایکٹ ضوابط پر عمل کریں۔