بتایا جاتا ہے کہ بچھی باندھ رہائشی راجیش کمار کی اہلیہ 27 سالہ رادھیکا دیوی روز روز کے گھریلو تنازعہ سے تنگ ہو کر گھر سے قریب پانچ سو میٹر کی دوری پر ایک کھیت میں واقع کنویں میں کود کر خودکشی کر لی۔
جانکاری کے مطابق رادھیکا دیوی نے پہلے اپنے ایک سال کا بیٹا انیس کمار پھر ڈھائی سالہ مہیشا اور پانچ سالہ مہیما کو کنویں میں پھینک کر پھر خود کود گئی۔
اس واقع کی جانکاری جیسے ہی مقامی لوگوں کو ہوئی تو لوگوں نے اس کی اطلاع مقامی پولس کو دی۔ جائے حادثہ پر رام پور بلاک کے سرکل افسر، ڈولپمنٹ افسر بھی موقع پر پہنچے۔
مزید پڑھیں:
تین خواتین چوری کے الزام گرفتار
کافی مشقت کے بعد کنویں سے دو بچیوں کو باہر نکالا جا سکا۔ جس میں ڈھائی سالہ مہیشہ کماری کی موت ہو چکی تھی۔ وہیں پانچ سالہ مہیمہ کماری کو زندہ بچایا جا سکا۔ جبکہ چوبیس گھنٹہ کے بعد بھی رادھیکا دیوی اور اس کے ایک سال کے بیٹا کا پتہ نہیں لگ سکا۔
