کیمور: مچھر بتی سے جھونپڑی میں لگی آگ، ایک خاتون ہلاک

کیمور کے برلی گاٶں میں گذشتہ رات مچھر بتی سے بھڑکی آگ کی وجہ سے ایک خاتون کی موت ہوگئی جبکہ اس کی بہو بری طرح جھلس گٸ۔

بہار کے کیمور میں مچھر بتی کی وجہ سے ایک گھر میں آگ بھڑک اٹھی جس کی وجہ سے ایک بیوہ خاتون کی موت ہوگئی اور اس کی بہو شدید طور پر جھلس گئی۔

ضلع ہیڈ کوارٹر بھبھوا کے پہاڑی علاقہ میں واقع کرمچث تھانہ کے برلی گاٶں میں یہ حادثہ پیش آیا۔ اطلاعات کے مطابق شیو مورت پاسوان کی 60 برس کی بیوہ پھونس کی بنی چھونپڑی میں مچھروں کو بھگانے کے کےلیے کوائل جلایا تھا جبکہ رات دیر گئے اچانک آگ بھڑک اٹھی۔

مقامی لوگوں نے کافی مشقت کے بعد آگ کو بجھایا لیکن اس حادثہ میں بیوہ خاتون کی موت ہوگئی اور جھونپڑی میں سورہی اس کی بہو وندھیا چلی دیوی بری طرح جھلس گئی۔ حادثہ میں جھونپڑی میں رکھا سارا سامان جل کر خاکستر ہوگیا۔ آج صبح کرمچٹ تھانہ کے پولیس عہدیدار نے حادثہ کے مقام پر پہنچ کر نعش کو پوسٹ مارٹم کےلیے بھبھوا ہسپتال منتقل کیا۔