ارریہ: رکن اسمبلی شاہنواز عالم کورونا سے متاثر

شاہنواز عالم سیمانچل گاندھی کے نام سے مشہور و سابق مرکزی وزیر تسلیم الدین کے چھوٹے صاحب زادہ اور سابق رکن پارلیمان سرفراز عالم کے چھوٹے بھائی ہیں۔

ریاست بہار کے ضلع ارریہ کے جوکی ہاٹ اسمبلی حلقہ کے رکن اسمبلی شاہنواز عالم نے کورونا رپورٹ کی تصدیق کرتے ہوئے کہا کہ 'گزشتہ چند روز سے میری طبیعت صحیح نہیں لگ رہی تھی، شک کی بنیاد پر ہم نے اپنا جانچ کرایا تو جانچ رپورٹ میں کورونا مثبت پایا گیا، شاہنواز عالم نے بتایا کہ 'انہیں فی الحال کسیار گاؤں کے پالی ٹیکنک کالج میں قرنطینہ کیا جا رہا ہے۔

واضح ہو کہ رکن اسمبلی شاہنواز عالم ادھر کئی دنوں سے مسلسل اپنے حلقے میں عوام کے درمیان جا کر ان کی مدد کر رہے تھے، سیلاب کی آمد سے قبل انہوں نے اپنے حلقے کے لیے چالیس ناؤں کا بھی انتظام کروا دیا تھا، شاہنواز عالم سیمانچل گاندھی کے نام سے مشہور و سابق مرکزی وزیر تسلیم الدین کے چھوٹے صاحب زادہ اور سابق رکن پارلیمان سرفراز عالم کے چھوٹے بھائی ہیں۔ اطلاع ملنے کے بعد جوکی ہاٹ اسمبلی حلقہ کے لوگ شاہنواز عالم کے جلد سے جلد صحت یاب ہونے کی دعا کر رہے ہیں۔