پٹنہ: بہار اقلیتی فلاح کے وزیر زماں خان ریاست تلنگانہ کا دورہ کرنے کے بعد ای ٹی وی بھارت سے خصوصی بات چیت میں کہا کہ 'تلنگانہ کا دورہ نہایت کامیاب رہا اور وہاں اقلیتوں کے تعلق سے منعقد کئی اہم پروگرامز میں شرکت کی۔ وہاں کے اعلیٰ لیڈران نے پرتپاک استقبال کیا اور بہار میں ہو رہی ترقیاتی کاموں کو سراہا۔ تلنگانہ کے عوام میں بہار کی جو شبیہ پہلے بنی ہوئی تھی اب وہ دور ہو رہی ہے۔ لوگوں نے وزیر اعلیٰ نتیش کمار کے ترقیاتی کاموں کی تعریف کی۔ Minister Zama Khan Visit Telangana
زماں خان نے کہا کہ 'تلنگانہ کی حکومت وہاں کی مسلمانوں کے لیے کئی اہم فلاحی منصوبہ چلا رہی ہے، جو قابل تقلید ہے۔ وہاں منعقد پروگرامز میں ہم نے بھی بہار میں اقلیتی آبادی کے لیے کیے جا رہے کاموں کی تفصیل بتائی اور وہاں ہو رہے کاموں کی تفصیلات سنی، کچھ منصوبہ جو بہار میں چل رہے ہیں وہ وہاں نہیں ہو رہے اور کچھ منصوبہ جو وہاں انجام پا رہے ہیں وہ یہاں نہیں ہو رہے، لہٰذا ہماری کوشش ہے کہ جو اچھے منصوبہ وہاں کئے جا رہے ہیں اسی طرز پر ہم بہار بھی شروع کر سکیں۔'
جیسے ایک منصوبہ شادی مبارک کا ہے، وہاں کوئی بھی شادی کارڈ وہاں کے اقلیتی محکمہ میں بھیج دے گا تو حکومت کی جانب سے تعاون کی شکل میں ایک ہفتہ کے اندر ایک لاکھ چودہ ہزار روپے دئے جاتے ہیں، یہ منصوبہ بہار میں بھی نافذ کیا جائے گا اور وہاں کے دورہ کی روداد جلد ہی وزیر اعلیٰ سے ملاقات کر پیش کروں گا۔'
یہ بھی پڑھیں: Bihar Minority Welfare Minister: بہار اقلیتی وزیر محمد زماں خان نے چین پور بلاک پرمکھ دفتر کا افتتاح کیا
وزیر زماں خان نے کہا کہ 'تلنگانہ کے وزیر داخلہ محمود علی نے تلنگانہ حکومت کی جانب سے چلائے جا رہے فلاحی منصوبوں کے تعلق سے اطلاع فراہم کی اور بہار کے منصوبے کے تعلق سے معلومات حاصل کی، بہار میں حکومت کی جانب سے اقلیتی طبقات کے لیے چلائے جا رہے جوڈیشلی مقابلہ جاتی امتحانات کی سراہنا کرتے ہوئے وزیر داخلہ محمود علی نے کہا کہ اس طرز پر ہم بھی تلنگانہ میں یہ منصوبہ چلائیں گے تاکہ زیادہ سے زیادہ اقلیتی برادری کو فائدہ مل سکے۔'
