اس اجلاس میں یہ کہا گیا کہ کیمور ضلع کے تمام مذہبی ادارے رہنما اصول کے مطابق کھولے جائیں گے۔
تاہم کسی بھی حال میں ریڈ زون علاقے میں کوئی بھی مذہبی مقام نہیں کھولا جا ئے گا۔
مقامی کلکٹریٹ کے میٹنگ ہال میں آج ضلع مجسٹریٹ کی صدارت میں مذہبی رہنماٶں کا اجلاس بلایا گیا۔
اس میں کووڈ 19 کی تشہیر اور قانون پر عمل آوری پر تبادلہ خیال کیا گیا۔
کیمور کے ڈی ایم ڈاکٹر نول کشور چودھری نے اجلاس میں ضلع کے تمام اعلی عہدیداروں سے جاری کردہ رہنما اصول پر عمل کرانے کی تلقین کی۔
اس اجلاس کی خصوصی بات یہ تھی کہ انتظامی عہدیداروں کے اس اجلاس میں مختلف مقامات کے مذہبی رہنماؤں کو بھی بلایا گیا تھا۔
ڈی ایم نے بتایا کہ 'ہر حال میں مندر، مسجد اور دیگر مذہبی مقامات پر آنے والے عقیدت مند سماجی فاصلے کا خیال رکھیں گے۔ لوگ ایک دوسرے سے کم از کم 5 فٹ دور ہوں گے۔ یہی نہیں صرف ایسے ہی لوگ مندر میں داخل ہو سکیں گے جو رہنما اصولوں کے مطابق مقررہ عمر کی حد میں ہوں گے۔'
ضلع مجسٹریٹ نے صاف طور پر کہا کہ 'مندر ہو یا مسجد، خلاف ورزی کرنے پر قانونی کارروائی کی جائے گی۔'
