جے ڈی یو کے مسلم اراکین نے کئی آر جے ڈی کے اراکین اسمبلی کے پارٹی میں شامل ہونے کا دعویٰ کیا ہے۔
نو منتخب جے ڈی یو کے رکن قانون ساز کونسل غلام غوث نے کہا کہ 'ہماری پارٹی کے دروازے سب کے لیے کھلے ہوئے ہیں۔ ہماری پارٹی اصولوں کی پاسداری کرنے والی ہے، جو لوگ آئے ہیں ان کا استقبال ہے۔'
بہار ریاستی سنی وقف بورڈ کے چیئرمین محمد ارشاداللہ نے کہا کہ 'وزیر اعلیٰ نتیش کمار سے متاثر ہو کر آر جے ڈی کے اراکین قانون ساز کونسل نے پارٹی چھوڑی ہے۔ ابھی کئی اور اراکین اسمبلی بھی آنے والے ہیں۔'
بہار قانون ساز کونسل کے رکن خالد انور نے کہا کہ 'لوگ وزیراعلیٰ نتیش کمار کے اصولوں اور کام سے متاثر ہو کر پارٹی میں آ رہے ہیں۔'
انہوں نے آر جے ڈی کو کارپوریٹ پارٹی قرار دیتے ہوئے کہا کہ 'وہاں صرف ایک خاندان کا سکہ چلتا ہے۔'
انہوں نے بھی کہا کہ 'آر جے ڈی کے مزید کئی اراکین اسمبلی اور دیگر رہنما بہت جلد پارٹی میں شامل ہوں گے۔'
