ریاست بہار کے ضلع کیمور میں ہائی ٹینشن کا تار گرنے سے بھیانک آتشزدگی ہوئی۔ جس سے قریب 80 ایکڑ گیہوں کی فصل میں آگ لگ گئی۔ آگ لگنے سے لاکھوں روپے کا گیہوں کچھ ہی منٹوں میں جل کر خاکستر ہو گیا۔
آگ اتنی بھیانک تھی کہ اس کو بجھانے کے لیے کافی مشقت کرنی پڑی اور قریب ایک گھنٹہ کے بعد آگ پر قابو پایا گیا۔ موقع پر فاٸربریگیڈ سے لے کر ایس ڈی او، بی ڈی او، ڈی ایس پی سمیت کٸ افسران بھی آگ بجھانے کی مشقت کرتے رہے۔ کافی دیر بعد آگ پر قابو پایا گیا۔
یہ واقع ضلع کے چین پور تھانہ حلقہ کے نوگھرا موضع کے سیوان میں رونما ہوا ہے۔ بتایا جاتا ہے کہ کھیت کے اوپر سے گزر رہے ہائی ٹینشن تار کے ٹکرانے سے اتنا بڑا حادثہ ہوا۔
