بہار کے ضلع کیمور کے سرحدی علاقوں سے شراب اسمگلروں کی گرفتاری کی مستقل اطلاعات موصول ہو رہی ہیں۔ رام گڑھ پولیس کے ذریعہ آج علی الصبح کی گئی کارروائی میں بھاری مقدار میں شراب برآمد ہوئی ہے، اس کے ساتھ ہی لکژری گاڑی کے مالک کو بھی گرفتار کرلیا گیا ہے۔ گرفتار گاڑی کا مالک روہتاس ضلع کا رہائشی بتایا جاتا ہے۔
اس سلسلے میں جانکاری دیتے ہوئے رام گڑھ پولیس اسٹیشن کے اے ایس آئی یوگیش کمار نے بتایا کہ کارروائی کرتے ہوئے رام گڑھ پولیس اسٹیشن نے ایک شراب اسمگلر کو تقریباً 206 لیٹر شراب کے ساتھ گرفتار کیا ہے۔ گرفتار اسمگلر روہتاس ضلع کے سنجھولی پولیس اسٹیشن کے تحت واقع انگلشیہ گاؤں کا سنتوش رام بتایا جاتا ہے۔ خفیہ اطلاع کی بنیاد پر یہ کارروائی کی گئی ہے۔
مزید پڑھیں: مظفرپور: سڑک حادثے میں چار افراد ہلاک
