اس مظاہرہ کی صدارت مزدور سنگھ کے چین پور بلاک کے پنٹو رام اور نظامت کسان سنگھ سنگھاسن رام نے کیا۔
بطور مہمان خصوصی چین پور اسمبلی حلقہ کے بھاکپا مالے انچارج ببن سنگھ نے کہا کہ حالیہ دنوں میں ضلع کے مختلف حلقوں میں سیلاب اور آبی جماؤ سے فصل کو جو نقصان پہنچا ہے کسانوں کو اس کا معاوضہ جلد از جلد دیا جائے۔
انہوں نے کہا کہ ضلع انتظامیہ اور حکومت نے یہ وعدہ کیا تھا، لیکن اس کو زمینی سطح پرعملی جامہ نہیں پہنایا جا سکا۔
ببن سنگھ نے کہا کہ اپنی اس بے بسی کا دکھڑا سناؤں تو کسے سناٶں، درد سنے والا کوئی نہیں، غریب مزدور کسان لاچار ہیں مزدوروں اور کسانوں کی زمین پر ناجائز قبضہ کر کے انہیں بے دخل کیا جا رہا ہے۔
ایک طرف ریاستی حکومت بے گھروں کو بسانے کا کام کرتی ہے، تو دوسرے طرف ان کے ہی افسران غریبوں مزدوروں کو اسکیمز کے نام پر بے دخل کر رہے ہیں۔
قریب دو سو مزدوروں نے اپنے مطالبے کا مکتوب بذریعہ بی ڈی او کیمور ڈی ایم کو سونپا تھا۔
ان دنوں ہریالی اسکیم کے نام پردرخت لگانے کو لیکر مزدوروں کو اجاڑا جا رہا ہے۔
