Land For Job Case رابڑی دیوی اور میسا بھارتی سی بی آئی کی خصوصی عدالت میں پیشی، آئندہ سماعت 8 مئی کو

لینڈ فار جاب اسکیم معاملے میں آج دہلی کی راؤس ایونیو کورٹ میں سماعت ہوئی جہاں سی بی آئی نے عدالت سے کہا کہ وہ تین ہفتوں میں سپلیمنٹری چارج شیٹ داخل کرے گی۔ ساتھ ہی اب اس کیس کی اگلی سماعت 8 مئی کو ہوگی۔

پٹنہ/نئی دہلی: ریلوے میں نوکری کے عوض زمین لینے کے معاملے پر سی بی آئی کی خصوصی عدالت میں آج سماعت ہوئی، جہاں سابق وزیر اعلی رابڑی دیوی اور راجیہ سبھا ایم پی میسا بھارتی نظر آئیں تاہم صحت کی وجہ سے سابق وزیر ریلوے لالو یادو عدالت میں پیش نہیں ہوئے۔ عدالت میں تینوں پر الزامات عائد کرنے کے نکتے پر بحث ہوئی۔ بتایا جا رہا ہے کہ لینڈ فار جاب معاملے میں لالو یادو، رابڑی دیوی اور میسا بھارتی کے علاوہ دیگر 16 افراد کے خلاف مقدمہ درج کیا گیا ہے۔ الزام ہے کہ 2004 سے 2009 کے درمیان جب لالو یادو ریلوے کے وزیر تھے، انہوں نے ریلوے کے گروپ ڈی کے امیدواروں سے نوکری کے بدلے زمین اپنے نام کرائی تھی۔

• #WATCH | Former Bihar CM Rabri Devi along with RJD MP Misa Bharti arrived at Delhi's Rouse Avenue Court to attend Court proceedings in connection with land for job scam case pic.twitter.com/dFLjva0EGp

  — ANI (@ANI) March 29, 2023 " class="align-text-top noRightClick twitterSection" data="

  #WATCH | Former Bihar CM Rabri Devi along with RJD MP Misa Bharti arrived at Delhi's Rouse Avenue Court to attend Court proceedings in connection with land for job scam case pic.twitter.com/dFLjva0EGp

  — ANI (@ANI) March 29, 2023

  ">

  #WATCH | Former Bihar CM Rabri Devi along with RJD MP Misa Bharti arrived at Delhi's Rouse Avenue Court to attend Court proceedings in connection with land for job scam case pic.twitter.com/dFLjva0EGp

  — ANI (@ANI) March 29, 2023

واضح رہے کہ 15 مارچ کو تینوں کو راؤس ایونیو کورٹ میں پیش کیا گیا تھا، جہاں عدالت نے تینوں کو 50 ہزار روپے کے ذاتی مچلکے پر ضمانت دے دی تھی۔ اس سے پہلے 6 مارچ کو سی بی آئی نے رابڑی دیوی سے پٹنہ میں ان کی رہائش گاہ پر 4 گھنٹے سے زیادہ پوچھ گچھ کی تھی۔ اس کے بعد 7 مارچ کو دہلی میں میسا بھارتی کی رہائش گاہ پر لالو یادو سے بھی پوچھ گچھ کی گئی تھی۔ دوسری جانب 10 مارچ کو ای ڈی نے لالو خاندان کے کئی افراد سمیت قریبی رشتہ داروں کے ٹھکانوں پر چھاپے مارے تھے۔

یہ الزام ہے کہ جب لالو یادو منموہن سنگھ کی حکومت میں 2004 تا 2009 کے درمیان ریلوے کے وزیر تھے، تو انہوں نے کئی لوگوں کو ریلوے میں نوکری دینے کے بجائے ان سے زمینیں لی تھیں۔ اس معاملے میں سنہ 2022 میں سی بی آئی نے چارج شیٹ داخل کی تھی۔ چارج شیٹ میں دعویٰ کیا گیا تھا کہ لالو یادو نے وزیر ریلوے رہتے ہوئے ریلوے میں بھرتی کے اصولوں اور رہنما خطوط کو نظر انداز کرتے ہوئے غیر قانونی طریقے سے تقرریاں کیں۔ اس کے علاوہ لالو خاندان نے ان امیدواروں کے خاندانوں سے بہت کم قیمت پر زمین خریدی جنہیں نوکریاں دی گئی تھیں۔