دہلی اسمبلی الیکشن میں عام آدمی پارٹی کی شاندار جیت سے ریاست بہار کے کشن گنج ضلع میں خوشی کی لہر دیکھی جا رہی ہے.
لوگوں کا کہنا ہے کہ دہلی کے لوگوں نے نفرت کی سیاست کو پوری طرح سے خارج کردیا ہے اور ترقی کو ترجیح دیتے ہوئے پھر سے کیجریوال پر اعتماد دکھایا ہے.
ان کا کہنا ہے کہ انتخابی مہم کے دوران بی جے پی کی جانب سے شاہین باغ، پاکستان، کشمیر سے آرٹیکل 370 ہٹانا، شہریت ترمیمی قانون وغیرہ کو اہم موضوع بنایا گیا، جب کہ عام آدمی پارٹی نے عوامی مسائل کی بات کی، انہوں نے بجلی، پانی، اسکول، اسپتال وغیرہ کے نام پر ہی ووٹ مانگا. کچھ لوگوں کا یہ بھی کہنا تھا کہ دہلی انتخاب کا اثر آئندہ بہار اسمبلی انتخاب میں بھی دیکھنے کو ملے گا اور موجودہ حکومت کو این ڈی اے ساتھ گٹھبندھن بنانے کا خمیازہ اٹھانا پڑے گا.
غور طلب ہیکہ دہلی اسمبلی الیکشن میں عام آدمی پارٹی کو شاندار جیت حاصل ہوئی ہے.
خبر لکھے جانے تک کیجریوال کی عاپ پارٹی کو کل 70 سیٹوں میں سے 63 سیٹوں پر جیت حاصل ہو چکی ہے.
بتا دیں کہ اس انتخاب میں بی جے پی نے اپنی پوری طاقت جھونک دی تھی. بہار کے وزیر اعلیٰ نتیش ،یوپی کے وزیر اعلیٰ یوگی آدیتناتھ ،ہریانہ کے وزیر اعلیٰ کھٹر سمیت ان سبھی صوبوں کے وزیر اعلیٰ جہاں بھارتیہ جنتا پارٹی کی سرکار ہے، مرکزی وزیر خود وزیر اعظم نریندر مودی، امت شاہ وغیرہ نے اپنے امیدواروں کو جیتانے کے لئے جی توڑ محنت اور کوشش کی تھی لیکن دہلی کی عوام نے نفرت کی سیاست کو سریے سے خارج کردیا.
