کیمور ضلع میں پولیس نے ٹریکٹر کی بیٹری چوری کرتے ہوئے تین چوروں کو گرفتار کیا۔گرفتار چور بھگوان پور مارکیٹ میں چوری کررہے تھے ، تبھی موقع پر پولیس پہنچ گئی۔ پولس نے چوروں کے پاس سے گولی اور اسلحہ کے ساتھ دو چوری شدہ بیٹریاں بھی برآمد کی۔
اطلاع کے مطابق گرفتار کیے گئے تمام چور جھینگر رام ، منٹو کمار اور نریش رام بھگوان پور تھانہ علاقہ کے نبیا گاؤں کے رہائشی ہیں۔
ایس پی دلنواز احمد نے بتایا کہ متعدد تھانوں کے علاقوں میں کھڑی ٹریکٹر کی بیٹری چوری کا معاملہ یہاں کچھ دنوں سے سامنے آ رہا تھا۔ بھگوان پور پولیس اسٹیشن کو ہدایت کی گئی تھی کہ وہ اس پر نظر رکھیں۔ اسی تسلسل میں یہ اطلاع ملی ہے کہ کچھ لوگ بھگوان پور مارکیٹ میں کھڑے ٹریکٹر سے بیٹریاں نکال رہے ہیں۔ اس اطلاع پر پولیس نے فوری کارروائی کرتے ہوئے بھگوان پور مارکیٹ میں واقع کھڑے ٹریکٹر سے بیٹری نکالنے والے مذکورہ تینوں افراد کوگرفتار کرلیا۔ ان سے بھری ہوئی دیسی بندوق برآمد ہوئی۔
ایس پی نے بتایا کہ تینوں ملزمان نے ایک گینگ تشکیل دیا اور اسلحہ کی بنیاد پر ڈکیتی کے کئی وارداتیں کو بھی انجام دیتے تھے۔ ماضی میں بھی چوروں نے بھگوان پور پولیس اسٹیشن کے علاقے کے کسیر گاؤں سے ٹریکٹر کی بیٹری چوری کی تھی۔
