ریاست بہار کے شہر گیا کے کوتوالی تھانہ حدود میں واقع رام شیلا میں بے خوف مجرموں نے چوری کے واقعہ کو انجام دیا ہے۔ دوکانداروں کو اس کی خبر صبح میں ملی۔
چوروں نے ایک زیورات کی دوکان اور دوسرا رنگ کی دوکان سے چوری کی ہے۔ بتایا جا رہا ہے کہ چوری کے واقعے کو دیر رات انجام دیا گیا ہے۔
چوری کی اطلاع ملنے کے بعد کوتوالی تھانہ کی پولیس نے پہنچ کر تحقیقات کی ہے۔ رام شیلا علاقے میں اکثر چوری کے واقعات پیش آتے رہے ہیں تاہم پولیس کاروائی کرنے سے قاصر ہے۔ مقامی افراد پولیس کی کارکردگی سے مطمئن نہیں ہیں، ان کی شکایت ہے کہ رات میں پولیس کی گشت نہیں ہوتی ہے، جس کی وجہ سے چور بے خوف ہو کر آسانی سے چوری کے واقعات کو انجام دینے میں کامیاب ہو جاتے ہیں۔
زیورات کے دوکان کے مالک راجیش کمار نے بتایا کہ ان کی دوکان سے سونے و چاندی کے زیورات سمیت نقد قریب چار لاکھ روپے کی چوری ہوئی ہے۔ چوری کی اطلاع انہیں صبح میں پڑوس کے ایک دوسرے دوکاندار نے دیا۔
انہوں نے بتایا کہ زیورات کی تیجوری قریب کے کھنڈر سے کھالی برآمد ہوئی ہے۔ جبکہ اسی دوکان سے متصل رنگ کی دوکان سے 35 ہزار روپئے نقد چوری ہوئی ہے۔ چوروں نے شٹر کا تالا توڑ کر چوری کے واقعہ کو انجام دیا ہے۔ کوتوالی تھانہ میں نامعلوم چوروں کے خلاف ایف آئی آر درج کی گئی ہے۔
