حضرت انجان شہید رحمة اللہ علیہ کے آستانے پرجے ڈی یو رہنماؤں نے چادر پیش کی، کورونا وائرس سے لوگوں کی حفاظت کے لیے دعائیں کی۔
جنتا دل یو کے ضلعی صدر الیگزینڈر خان نے ملک میں پھیلے کرونا وائرس سے نجات پانے کی دعا کی۔ضلعی صدر کے ساتھ ہی جے ڈی یو کے کئی رہنما وکارکنان موجودتھے ۔
آستانے پر سب سے پہلے چادر پوشی وگلپوشی کی گئی ۔چادر پوشی کے بعد مدرسہ مدینة العلوم کے ناظم اعلیٰ مولاناشبیر اشرفی نے دعا کی۔
الیگزنڈر خان نے کہا کہ آج پوری دنیا میں کورونا وبا نے تباہی مچادی ہے ۔ ملک میں بھی واقعات بڑھ رہے ہیں ۔اللہ کے نیک بندوں کی دعا سے وبا ضرور ختم ہوگی ۔انہوں نے کہا کہ ملک کی سالمیت برقراررہے اور کوروناوائرس کاخاتمہ ہو اس کی دعاء مانگی ہے ۔اللہ اپنے نیک بندوں کے صدقے میں ہماری دعاوں کو قبول فرمائے اور رحم کامعاملہ فرمائے ،جب بھی وباء پھیلی ہے بزرگوں اور نیک بندوں تک ہی لوگ پہنچے ہیں ، اللہ اپنے نیک بندوں کے صدقے میں رحم کامعاملہ فرماتا ہے۔
