اسی ضمن میں جن ادھیکار پارٹی ضلع ارریہ کی جانب سے ایک ٹرک ضروریات کے سامان لے کر روانہ ہوئی، ٹرک میں ایک ٹن پانی اور کھانے کے لئے بسکٹ سمیت دوسری اشیا ہیں۔
جن ادھیکار پارٹی کے ضلع صدر امتیاز انیس عرف لڈو کی قیادت میں گاڑی روانہ ہوئی، ضلع جوکی ہاٹ، رانی گنج ، سکٹی، کرسا کانٹا ، نرپت گنج، اور ارریہ بلاک سے مختلف چھوٹی گاڑیاں فاربس گنج پہنچ رہی ہیں، وہاں ایک جگہ جمع ہو کر بڑی گاڑی پٹنہ کے لئے روانہ ہوگی۔
یہ بات بھی دلچسپ ہے کہ ارریہ ضلع خود سیلاب زدہ ہے اور دوسروں کا محتاج رہتا ہے باوجود اس کے پٹنہ کے سیلاب زدگان کی مدد کے لئے آگے بڑھنا یقیناً قابل ستائش ہے۔
اس بابت جن ادھیکار پارٹی کے ضلع صدر امتیاز انیس عرف لڈو نے بتایا کہ ہمارا مقصد بلاتفریق عوام کی خدمت کرنا ہے، یہ ایسا وقت ہے جب پورا بہار اس شدید بارش کی چپیٹ میں ہے پھر ہم لوگوں سے جہاں تک ہوگا عوام کی مددگار بن رہیں گے۔
انہوں نے مزید کہا کہ ہمارے قومی صدر پپو یادو جی پٹنہ میں پھنسے لوگوں کے درمیان اپنی سطح سے راحت رسائی کا کام کر رہے ہیں، ہمیں رات خبر ہوئی کہ وہاں لوگوں کو مدد کی ضرورت ہے ہم سے جو بن پڑا اسے روانہ کر رہا ہوں، ہم تو چاہیں گے اس مصیبت کی گھڑی میں لوگ زیادہ سے زیادہ مدد کے لئے آگے بڑھیں.
