آل انڈیا مجلس اتحاد المسلمین کے قومی صدر و حیدرآباد کے رکن پارلیمان اسدالدین اویسی کے حلف برداری کے وقت بی جے پی کے ارکان پارلیمان نے جئے شری رام کا نعرہ لگایا۔
اس کے جواب میں ریاستی صدر اخترالایمان نے کہا کہ، آر ایس ایس، بجرنگ دل اور بی جے پی کے لوگوں نے جس طرح سے جئے شری رام کا نعرہ لگایا وہ اس ایوان کے لیے توہین آمیز حرکت ہے۔
انہوں نے کہا کہ رام کا عقیدہ اپنی جگہ ہے، اس سے ہمیں کوئی اعتراض نہیں، ایک جمہوری ملک کو ایک خاص رنگ میں رنگنے کی کوشش کرنا ملک کی سالمیت اور جمہوریت کے انتہائی خطرناک ہے۔
ریاستی صدر نے کہا یہ بات سچ ہے کہ 2019 کے انتخابات میں جیت وزیراعظم نریندر مودی کی نہیں بلکہ ہندوتوا کی جیت ہوئی ہے۔
انہوں نے یہ بھی کہا کہ اس ملک میں اتحاد کی بات تو کی جاتی ہے، اتحاد اسی وقت ممکن ہے، جب ملک کے تمام شہریوں کو برابری کا درجہ ملے۔
