بہار پبلک سروس کمیشن کے 1992 بیچ کے آفیسر امتیاز احمد کریمی بہار پبلک سروس کمیشن کے رکن بنائے گئے ہیں۔ حکومت نے انہیں اُردو ڈائریکٹوریٹ سے وی آر ایس دلا کر نئی ذمہ داری سونپی ہے۔
امتیاز احمد کریمی نے جب سے اردو ڈائریکٹوریٹ کے ڈائریکٹر کا عہدہ سنبھالا تھا اس وقت سے ریاست میں اُردو کی فضا ہموار ہو رہی تھی اور اردو کے لیے نمایاں کام کئے ہیں۔
امتیاز احمد کریمی نے بہار کے تقریباً 80 ہزار اسکولوں کا سروے کروا کر وہاں اُردو تعلیم کا جائزہ لیا نیز تمام اسکولوں میں اُردو کو بحال کرنے کی کوشش کی۔
محمد زبیر قریشی آل انڈیا علما بورڈ کے یوتھ صدر منتخب
امتیاز احمد کریمی نے ای ٹی وی بھارت سے بات کرتے ہوئے کہا کہ 'بہار پبلک سروس کمیشن انصاف کرنے کی جگہ ہے وہاں انصاف ہو تو باصلاحیت غریب کے بچے بھی کامیاب ہوتے ہیں۔
انہوں نے کہا کہ 'انہیں اُردو ڈائریکٹوریٹ سے الگ ہو نے کا ملال تو ہے لیکن بی پی ایس سی میں بڑا کام کرنے کا جذبہ بھی ہے۔
