وہیں اب 38 دنوں میں اب 667 گاڑیاں ضبط کی گئی ہے اور 54 لاکھ روپے وصولی ہوئی ہے۔ بازار میں ضرورت کے تحت ہی لوگ نکل رہے ہیں، شہر میں سبزی اور پھل والوں کی دوکان ضلع اسکول احاطہ میں شفٹ کیا گیا ہے اور یہاں بھی سماجی دوری کا خیال کرتے ہوئے گھیرا بنایا گیا ہے۔
ساتھ ہی سبزی لینے والوں کے لئے ماسک لگانا ضروری قرار دیا گیا ہے۔ وہیں ارریہ میں لاک ڈاؤن پر ہو رہے عمل کا جائزہ لینے پورنیہ کمشنری کے آئی جی ونود کمار آج ارریہ پہنچے۔
ونود کمار پہنچنے کے بعد اعلیٰ افسران کے ساتھ میٹنگ منعقد کر صورتحال کا جائزہ لیا اور کئی اہم ہدایت بھی دیے۔
اس سے قبل آئی جی ونود کمار شہر کے زیرو مائل بس اسٹینڈ بھی گئے اور جانچ کے لئے بنے کیمپ کا جائزہ بھی لیا۔
اس موقع پر آئی جی ونود کمار نے کہا کہ حکومت کی جانب سے نافذ لاک ڈاؤن پر عمل کرانا ہماری پہلی ترجیح ہے، اسی کو لے کر شہر و دیہی علاقوں کا جائزہ لیا جا رہا ہے۔ ساتھ ہی لوگوں کو بیدار کیا جا رہا ہے کہ کہ بلا ضرورت گھر سے باہر نہ نکلیں، بہت ضروری ہو تو بنا ماسک لگائے گھر سے باہر نہ نکلیں، نکلنے والوں پر سخت کارروائی کی جائے گی۔ عوام کو خود سے بڑھ کر اس پر عمل کرنا چاہیئے۔
